دعواتكم لــ جوري الصاعدي
بسم الله الرحمن الرحيم
والله مدري كيف أبدا هالحكاية …
اللي شفته يومها ، يخليك تعيد حساباتك في كل شي
جوري طفلة ولدت في المدينة المنورة
وعلى قولت أبوها
إن خدمات المستشفى كانت سيئة وحالتها كانت صعبة ( في مستشفى الولادة بالمدينة المنورة )
وطلب تحويل
ويسر الله له تحويل لــ
مركز الأمير سلطان لمعالجة أمراض وجراجة القلب
ويسر الله لهم العملية والمتبرعين بالدم
مع إنهم طلبوا ( عشرة ) متبرعين للدم وأحس هالعدد كبير …
،،
تجولت في المركز وشاهدت بعض الصور والرسومات في الأسياب
وصورتها لكم
مدخل الجناح
،،
هذي صور بعض الأطفال اللي عملوا عملية القلب ،، الله يتمم عليهم بالعافية
،،
مشاركة من الطفلة منال العسيري
،،
وهذي مشاركة من الطفل/ فيصل الماجدي
،،
وهذي مشاركة من الطفل / فراس الحربي
،،
وهنا الطفل / سلطان الحسني يشكر الأطباء في القسم
الله يوفقهم وينفع بهم الإسلام والمسلمين
،،
،،
وقابلت دكتور جراح وسألته
أسمع يا دكتور إن نسبة تشوه القلب لدى الأطفال في السنين الأخيرة مرتفعة ؟
جاوب الدكتور ببتسامة :
يمكن كلامك صحيح بس ما فيه شي دقيق لو تروح لمستشفى الملك خالد ( أظنه يقصد الجامعي ) بيفيدونك أكثر ،،
وأكمل الدكتور كلامه :
بالنسبة لي ، لي تقريبا أكثر من سنتين في هالمركز
واللي لاحظته المدة هذي إن أكثر المرضى من المدينة المنورة ومن القصيم و …… ( قاله مدينة ثالثة نسيتها بصراحة 
)
بس أبشرك نسبة نجاح العمليات مرتفعة جدا ولله الحمد ,,
سألته عن تشوه القلب وش هو ؟
قالي أغلبهم ثقوب وهذا شي سهل
وفيه مشاكل في الصمام وغيرها ..
،،
شكرت الدكتور ، وشكرت الله وحمدته على الصحة والعافية
والله يشافي جوري
ويشافي مرضى المسلمين
،،
أبو عبد العزيز
الرياض
مشتشفى القوات المسلحة
مركز الأمير سلطان لمعالجة أمراض وجراحة القلب
5 / رمضان / 1430 هـ
